ProtonMail ဟာ လူအများစု အသုံးပြုလေ့ရှိသော G-mail ကဲ့သို့ပင် ကမ္ဘာလုံးဆိုင်ရာ သုံးစွဲသည့် အသုံးပြုသူ နှစ်ဦးကြားသာ ဖတ်နိုင်သော End-to-end encryption ပါ၀င်တဲ့ အခမဲ့ email service တစ်ခု ဖြစ်ပါတယ်။ ProtonMail Account တစ်ခုကို မဖွင့်တတ်သေးဘူးဆိုရင်တော့ ဘယ်လိုဖွင့်ရလဲ သိရအောင် အောက်က ပုံထဲက အဆင့်တွေအတိုင်း လုပ်ဆောင်ပြီး ProtonMail Account တစ်ခုကိုဖန်တီးလိုက်ပါ။ 👇👇👇
ကျွန်တော်တို့အများစုရဲ့ နေ့စဥ်လုပ်ငန်းခွင်နဲ့ ပရော်ဖက်ရှင်နယ် ကိစ္စရပ်တွေမှာ Gmail ကို အသုံးပြုမှု အများဆုံးဖြစ်တာကြောင့် ProtonMail ကို ပြောင်းလဲအသုံးပြုဖို့ ကိစ္စဟာ ကျွန်တော်တို့နဲ့ အနည်းငယ် အလှမ်းဝေးနေမှာ ဖြစ်ပါတယ်။ ဒါကြောင့် ProtonMail နဲ့ Gmail နဲ့ ဘာတွေ ကွာခြားကြသလဲ ဆိုတာ သူငယ်ချင်းတို့အများစုက သိချင်ကြမယ်ဆိုရင် အောက်ပါအချက်တွေကို ဆက်လက်ဖတ်ရှုကြည့်ကြရအောင်….
⚙️ End-to-end encryption ပါဝင်ခြင်း ⚙️
Gmail ဟာ ကျွန်တော်တို့ရဲ့ email တစ်ခုချင်းစီကို ၄င်းရဲ့ server ကနေ ၀င်ရောက်ဖတ်ကြည့်လို့ရပါတယ်။ တစ်ဖက်မှာတော့ ProtonMail ရဲ့ မူလ လုံခြုံမှုစနစ်အရကိုက email ပေးပို့သူနဲ့ ရရှိသူနှစ်ဦးသာ ဖတ်ရှုနိုင်တဲ့ End-to-end encryption ပါ၀င်နေတာကြောင့် Gmail လိုမျိုး ProtonMail server ကနေ ကျွန်တော်တို့ရဲ့ email တွေကို ဖတ်ကြည့်လို့မရနိုင်ပါဘူး။
⚙️ Personal Data Access မပေးရခြင်း ⚙️
ပုံမှန်အားဖြင့် Gmail နဲ့ Facebook အကောင့်တွေ ဖွင့်မယ်ဆိုရင် ကျွန်တော်တို့ရဲ့ ကိုယ်ရေးကိုယ်တာ အချက်အလက်တွေ၊ သုံးစွဲမှုအချက်အလက်တွေကို စောင့်ကြည့်ခွင့်ပေးထားရပါလိမ့်မယ်။ ဒါပေမယ့် ProtonMail ကတော့ ကျွန်တော်တို့ရဲ့ personal data တွေကို end-to-end encryption ကြောင့် စောင့်ကြည့်လို့မရပါဘူး။
⚙️ Zero-access encryption ပါ၀င်ခြင်း ⚙️
အထက်က အချက်နှစ်ခုလိုပဲ ကျွန်တော်တို့ရဲ့ email တွေ၊ personal data တွေကို ProtonMail server ကိုယ်တိုင်ကတောင် ၀င်ကြည့်လို့မရပါဘူး။ တကယ်လို့ အကောင့်ဟက်ခံရတယ်ဆိုရင်တောင် ခိုးယူသူက ကျွန်တော်တို့ email တွေကို ၀င်ဖတ်လို့မရနိုင်ပါ။ ဘာကြောင့်လဲဆိုတော့ Zero-access encrypt လုပ်ထားတဲ့ message တွေကို ခိုးယူသူသာမက ProtonMail server ကပင် decrypt ပြန်ဖြည်ပီး ဖတ်လို့မရပါဘူး။
⚙️ IP address ကဲ့သို့သော သုံးစွဲသူအချက်အလက်များကို လုံးဝ ခြေရာမခံနိုင်ခြင်း ⚙️
ProtonMail ဟာ Gmailနဲ့ မတူဘဲ ကျွန်တော်တို့ ဘယ်သူ့ကို email ပို့လဲ၊ ဘာတွေပို့လဲ၊ email တစ်နေ့ကို ဘယ်နှစ်စောင်ပို့လဲ ဆိုတာကို record မမှတ်ပါဘူး။ သုံးစွဲသူတွေရဲ့ IP address တွေကိုတောင် မှတ်ယူ သိမ်းဆည်းတာမျိုးတောင်မလုပ်ပါ။ ဒါကြောင့် ကျွန်တော်တို့အနေနဲ့ သတိထားရမယ့်အချက်က Password လုံးဝ မမေ့ဖို့ လိုအပ်ပါတယ်၊ ပြန် recover လုပ်ရင်တောင် Gmail နဲ့မတူဘဲ ဘာအချက်အလက်မှ ပြန်လည်ရယူနိုင်မှာ မဟုတ်ပါဘူး။
⚙️ Two-Factor Authentication (2FA) ထပ်ဆင့်လုံခြုံရေးစနစ်ပို၍ ကောင်းမွန်ခြင်း ⚙️
Gmail ရော ProtonMail နှစ်ခုလုံးမှာ Two-Factor Authentication(2FA) ထပ်ဆင့်လုံခြုံရေးစနစ် ပါ၀င်ပါတယ်။ ဒါပေမယ့် Gmail မှာ ကျွန်တော်တို့ရဲ့ ဖုန်းနံပါတ်ကတစ်ဆင့် လုံခြုံရေးကုတ်ရယူနိုင်သလိုမျိုး ProtonMail မှာတော့ မရပါဘူး။ ProtonMail မှာ 2FA ခံဖို့ ကုတ်ရယူဖို့က Authy, Google Authenticator, FreeOTP အစရှိတဲ့ authenticator apps တွေကတစ်ဆင့်ရယူဖို့လိုပါတယ်။ ProtonMail က ပေးတဲ့ one-time use recovery codes တွေကိုလဲ စနစ်တကျ သိမ်းထားဖို့ အရေးကြီးပါတယ်။ ဘာကြောင့်လဲဆိုတော့ Gmail အကောင့်ကို ဖုန်းနံပါတ်ကနေ ကုတ်တောင်းပြီး အလွယ်တကူ recover လုပ်နိုင်မှာ မဟုတ်လို့ပါ။
ProtonMail နဲ့ Gmail ဘယ်လိုကွာခြားလဲ အောက်ကပုံကို ကြည့်ပြီးတော့လဲ နှိုင်းယှဥ်ကြည့်လို့ ရပါတယ်နော်။ 👇👇👇
(၁) Report Phishing Feature အား အသုံးပြုနိုင်ခြင်း – မသင်္ကာစရာ အမည်မသိ email များ ရောက်လာပါက Report တင်နိုင်ပါတယ်။
(၂) Two-factor authentication (2FA) ထပ်ဆင့် လုံခြုံရေးစနစ်ခံခြင်း – ProtonMail ရဲ့ setting ထဲတွင် 2FA ခံရန် လုပ်ဆောင်နိုင်ပါတယ်။
(၃) သံသယဖြစ်ဖွယ် Account login များအား စစ်ဆေးနိုင်ခြင်း – login logs များတွင် login ၀င်ထားမိသမျှ နေ့ရက်၊ အချိန်များအပြင် IP address များကို သွားရောက် စစ်ဆေးနိုင်ပါတယ်။
(၄) Email တစ်စောင်ပို့ရာတွင် Password Encryption အသုံးပြုနိုင်ခြင်း – email တစ်စောင် ပို့တိုင်း မိမိ ကြိုက်နှစ်သက်ရာ password ခံ၍ ပေးပို့နိုင်ပါတယ်။
(၅) Self-Destructing Message Feature အား အသုံးပြုနိုင်ခြင်း – ပို့ထားခဲ့သော email အဟောင်းများကို message သက်တမ်းအား သတ်မှတ်၍ (ဥပမာ – ၃နာရီ) အလိုအလျောက် ပျက်သွားအောင် ပြုလုပ်နိုင်ပါတယ်။
အထက်ပါ security feature တစ်ခုချင်းစီကို အောက်ပါပုံတို့မှာ အသေးစိတ် လေ့လာလိုက်ပါ။ 👇👇👇 ProtonMail ကို ပြောင်းလဲအသုံးပြုဖို့ ကိစ္စဟာ ကျွန်တော်တို့နဲ့ အနည်းငယ် အလှမ်းဝေးနေမှာ ဖြစ်ပေမယ့် ကျွန်တော်တို့အတွက် ပိုမိုလုံခြုံတဲ့ ဆက်သွယ်ရေးစနစ်ကောင်းကို ပေးစွမ်းမှာ ဖြစ်ပါတယ်။
