ပဋိပက္ခကို အပြုသဘောဆောင်ပြီး ဘယ်လို အဓိပ္ပာယ် ဖွင့်ကြမလဲ?

🔹လူအများစုက ပဋိပက္ခ (Conflict) လို့ပြောလိုက်တာနဲ့ “အန္တရာယ်တွေ”၊ “အကြမ်းဖက်မှုတွေ”၊ “ကြောက်မက်ဖွယ်” အရာတွေဆိုပြီးတော့တွေးတတ်ကြပါတယ်။ တကယ်တမ်းကျတော့ ပဋိပက္ခ(Conflict) ဆိုတာ ကျွန်တော်တို့ နေစဥ်နဲ့အမျှကြုံတွေ့နေရမဲ့ သဘာဝမှာရှိနေတဲ့ ပုံမှန်ကိစ္စရပ်တစ်ခုပါပဲ။ အဓိကတော့ အဲဒီပဋိပက္ခအပေါ် သုံးသပ်ကြတဲ့ အမြင်တွေပဲကွဲလွဲသွားတာပါ​။

Pirates of the Caribbean ရုပ်ရှင်ဇာတ်ကားကြီးရဲ့  Jack Sparrow ဇာတ်ကောင်ရဲ့မင်းသားဖြစ်တဲ့ ဂျွန်နီဒက်ပ် (Johnny Depp) ပြောခဲ့ဖူးတဲ့စကားလေးရှိပါတယ်။

“The problem is not the problem. The problem is your attitude about the problem”

ဂျွန်နီဒက်ပ် (Johnny Depp)

🔹ကျွန်တော်တို့က ပြဿနာ (ဒါမှမဟုတ်) ပဋိပက္ခကို မြင်လိုက်တာနဲ့ မကောင်းတဲ့အငွေ့အသက်တွေ (negative mindset)တွေပဲ အရင်ဆုံးရောက်လာတတ်ကြပါတယ်။ ဒါပေမဲ့ ပဋိပက္ခဆိုတာက အမြဲမကောင်းတဲ့အရာတော့ မဟုတ်ပါဘူး။ ပဋိပက္ခကို အပြုသဘောဆောင်တဲ့ဘက်ကနေ ကြည့်လိုက်ရအောင်​။

🔹တရုတ်ဘာသာစကားဖြစ်တဲ့ mandarin ဘာသာစကားမှာ “ပဋိပက္ခ”ကို “WEIJI” လို့အသံထွက်ပါတယ်။ တစ်လုံးစီဘာသာပြန်ကြည့်မယ်ဆိုရင် “WEI” ဆိုတာ “အန္တရာယ်” ကို ဆိုလိုတာဖြစ်ပြီး၊ “JI” ကကျတော့ “အခွင့်အလမ်း” ကိုဆိုလိုတာပါ။ ဆိုတော့ တရုတ်ဘာသာစကားမှာ  “ပဋိပက္ခ” ဆိုတဲ့အဓိပ္ပါယ်ဟာ “အန္တာရာယ်များမှ အခွင့်အလမ်း” လို့ဘာသာပြန်နိုင်ပါတယ်။

ဆိုတော့ ပဋိပက္ခဖြစ်တည်မှုကို လေ့လာကြရအောင်။ 🔍

🔹ပဋိပက္ခဆိုတဲ့ အရာမတိုင်ခင် ပြဿနာတစ်ခုကတော့ အရင်းခံရှိတတ်ပါတယ်။ အဲဒီပြဿနာကို ဂရုမပြုမိလိုက်တဲ့အတွက် အချိန်တစ်ခုရောက်တဲ့အခါ ပဋိပက္ခဆိုတာ ပေါ်ထွက်လာတာပါ။ ဒါကြောင့် ပဋိပက္ခဆိုတာ ဖြစ်နေတဲ့ ပြဿနာကို ဖြေရှင်းနိုင်စေဖို့အတွက် ပိုလွယ်ကူစေပါတယ်။ ဒါပေမယ့် မဖြေရှင်းဘဲ ရှောင်နေမယ်ဆိုရင် အဲ့ဒီပဋိပက္ခကနေ နောက်ဆက်တွဲ ဆိုးဝါးတဲ့အကြမ်းဖက်မှုကို ဖြစ်ပေါ်စေနိုင်ပါတယ်။

နေရာတိုင်းမှာ အကောင်းနဲ့အဆိုးဆိုတာ တွဲလျက်တည်ရှိနေတတ်တာ အားလုံးသိကြတယ်ဟုတ်​?

🔹ဘယ်လိုပဲ ဆိုးဝါးတဲ့ ပဋိပက္ခဖြစ်ပါစေ ရှောင်ဖယ်ဖို့ကြိုးစားခြင်းထက် ဖြေရှင်းလိုက်ခြင်းကပဲ ပဋိပက္ခကို ချုပ်ငြိမ်းစေဖို့ အဓိကနည်းလမ်းဖြစ်ပါတယ်နော်။ဒါ့အပြင် ပဋိပက္ခတွေက ကောင်းတဲ့အရာတွေနဲ့ အခွင့်အလမ်းတွေကို ပေးနိုင်ပေမဲ့လည်း တစ်ခါတလေမှာ ဆိုးဝါးတဲ့ အကြမ်းဖက်မှုဆန်တဲ့ ပဋိပက္ခတွေရှိတတ်တာကို နားလည်ဂရုပြုတတ်ရပါမယ်နော်။

🔹အဓိကတော့ ပဋိပက္ခအတွင်းမှာ ဘယ်အရာတွေကောင်းသလဲ ဆိုတာကို ကြိုးစားရှာဖွေမှတ်သားပြီး အဲ့ဒီအကြောင်းအရာကနေတစ်ဆင့် ပြဿနာအရင်းအမြစ်ကို ရှာဖွေခြင်းနဲ့ ဖြေရှင်းခြင်းနည်းလမ်းတို့မှာ ပူးပေါင်းအသုံးပြုမယ်ဆို ပဋိပက္ခကို ငြိမ်းချမ်းကျေအေးစွာနဲ့ ဖြေရှင်းနိုင်ပါတယ်။

နောက်ထပ် သင်ခန်းစာတွေမှာ ပြန်ဆုံကြရအောင်နော်