အပြန်အလှန် ပူးပေါင်းပါဝင်မှုရှိသည့် ပံ့ပိုးကူညီမှုနှင့် သင်ကြားသင်ယူမှု လုပ်ငန်းများ/နည်းလမ်းများ
- Energizers and ice-breakers
သင်ကြားသင်ယူသူနဲ့ ကူညီပံ့ပိုးသူတို့ကြားတွင် ပို၍ရင်းနှီးမှုရှိစေရန်နှင့် အုပ်စုတွင်း သက်တောင့်သက်သာ ဆွေးနွေးသင်ကြားနိုင်ရန် Ice-breaking Activities များကို အသုံးပြုနိုင်သည်။
- Sharing participant expectations and goals
သင်ကြားသင်ယူမှု လုပ်ငန်းစဉ်များ အလုပ်ရုံဆွေးနွေးပွဲများတွင် ပါဝင်တက်ရောက်သူ တစ်ဦးချင်းစီ၏ တက်ရောက်လာရသည့် (သို့မဟုတ်) သင်ယူလေ့လာရသည့် အကြောင်းအရင်းများနှင့် ၎င်းတို့၏ သင်တန်းနှင့် ဆွေးနွေးပွဲများမှ ရရှိမည့် မျှော်မှန်းချက်များကို သိရှိနိုင်ရန် သင်တန်းပေးသူနှင့် ပံ့ပိုးကူညီသူများမှ ထုတ်ဖော်ပြောဆိုခွင့်ပေးရန် လိုအပ်ပါသည်။ သို့မှသာ တက်ရောက်လာသူ တစ်ဦးချင်းစီ၏ လိုအပ်ချက်များ၊ လိုအင်ဆန္ဒများကို သိရှိနိုင်ပြီး ပံ့ပိုးကူညီသူများမှ အကောင်းဆုံးပံ့ပိုးပေးနိုင်မည်ဖြစ်သည်။
- Stimulating discussion
အလုပ်ရုံဆွေးနွေးပွဲများ၊ သင်တန်းများတွင် တက်ရောက်လာသူအားလုံး ပါဝင်ဆွေးနွေးနိုင်ရန်အတွက် ကူညီပံ့ပိုးသူမှ အခွင့်အလမ်းများ ဖန်တီးပေးနိုင်သည်။ ဆိုလိုသည်မှာ တက်ရောက်သူ တစ်ဦးချင်းစီ၏ အတွေ့အကြုံများ၊ အတွေးအခေါ်များ၊ အမြင်များကို တလေးတစား နားထောင်ပေးခြင်း၊ ၎င်းတို့အတွက် လုံခြုံစိတ်ချရသော သင်ယူမှု ပတ်ဝန်းကျင်ကို ဖန်းတီးပေးခြင်း၊ မတူကွဲပြားသော တုံ့ပြန်မှု အမျိုးမျိုးကို ဖိတ်ခေါ်ခြင်းများကို ဆောင်ရွက်ပေးခြင်းဖြင့် အားလုံးတက်ကြွစွာ ပါဝင်ဆွေးနွေးလာနိုင်သည်။
- Encouraging participative listening
အလုပ်ရုံဆွေးနွေးပွဲများ၊ သင်တန်းများတွင် တက်ရောက်လာသူတစ်ဦးချင်းစီသည် နားထောင်သူကောင်းတစ်ယောက်ဖြစ်ရန်လည်း ပံ့ပိုးပေးနိုင်ပါသည်။ တစ်ဦး၏ဆွေးနွေးချက်များကို အခြားသူများက ဂရုတစိုက် နားထောင်ခြင်း၊ လိုအပ်ချက်များကို ပြန်လည်ဆွေးနွေးမေးမြန်းခြင်းများ ပြုလုပ်ခြင်းအားဖြင့် တက်ရောက်သူများကြား အပြန်အလှန် နားလည်မှု၊ ပံ့ပိုးပေးနိုင်မှုများ တိုးတက်လာမည်ဖြစ်သည်။
- Working in small team
အလုပ်ရုံဆွေးနွေးပွဲများ၊ သင်တန်းများတွင် တက်ရောက်လာသူများကို အုပ်စုငယ်များဖွဲ့၍ အုပ်စုအလိုက်ဆွေးနွေးရမည့် ခေါင်းစဉ်များကို သတ်မှတ်ပေးခြင်း၊ အုပ်စုလိုက်ဆွေးနွေးရမည့် ခေါင်းစဉ်များကို အတွင်းကျကျ ကျယ်ကျယ်ပြန့်ပြန့် ဆွေးနွေးစေပြီးမှ တက်ရောက်သူအားလုံးကို ပြန်လည်ဝေမျှစေခြင်းများ လုပ်ဆောင်နိုင်သည်။ ဤသို့ဆောင်ရွက်ခြင်းဖြင့် ပါဝင်သူတစ်ဦးချင်းစီသည် မိမိ၏ အုပ်စုငယ်အတွင်း တက်တက်ကြွကြွပါဝင်ဆွေးနွေးနိုင်ရန် ပံ့ပို့ပေးနိုင်သည်။
- Team reports
အုပ်စုငယ်များ ဖွဲ့၍ တာဝန်များကို ခွဲဝေပေးပြီး ပြီးမြောက်မှုများနှင့် ရလဒ်များ ကို အုပ်စုအလိုက် ရွေးချယ်ထားသော ကိုယ်စားလှယ်များမှ အသီးသီး ပြန်လည်တင်ပြဆွေးနွေးစေခြင်းဖြစ်သည်။ အဖွဲ့သားအားလုံး၏ ပူးပေါင်းပါဝင်မှုကို လေးစားတန်ဖိုးထားခြင်းကို မြှင့်တင်ပေးနိုင်သည်။
- Avoiding power spots
အလုပ်ရုံဆွေးနွေးပွဲများ၊ သင်တန်းများတွင် နေရာထိုင်ခင်း အစီအစဉ်များကို မကြာခဏ ပုံသဏ္ဍာန်မျိုးစုံ ပြောင်းလဲပေးခြင်းအားဖြင့် တက်ရောက်သူအားလုံးကို ညီတူညီမျှ ပါဝင်စေခြင်း၊ ဦးဆောင်သူအခန်းကဏ္ဍကို အလှည့်ကျတာဝန်ယူဆောင်ရွက်စေခြင်းကို မြှင့်တင်ပေးနိုင်သည်။
- Sharing responsibility
အဖွဲ့လိုက် လုပ်ငန်းများကို ဆောင်ရွက်ရာတွင် အဖွင့်ဝင်တစ်ဦးချင်းစီဆောင်ရွက်ရမည့် လုပ်ငန်းတာဝန်များကို အလှည့်ကျတာဝန်ယူစေခြင်းဖြင့် တစ်ဦးချင်းစီ၏ ကျွမ်းကျင်မှုနယ်ပယ်ကို ကျယ်ပြန့်လာစေပါသည်။ ဥပမာ အုပ်စုမှတ်တမ်းရေးသူ၊ ဦးဆောင်သူ၊ ပံ့ပိုးကူညီသူ၊ မိတ်ဖက်များနှင့် ဆက်သွယ်ဆောင်ရွက်သူ စသည့် အခန်းကဏ္ဍ အမျိုးမျိုးကို တစ်ဦးချင်းစီမှ အလှည့်ကျ တာဝန်ယူဆောင်ရွက်ခြင်းဖြစ်သည်။
- Participant evaluation
အလုပ်ရုံဆွေးနွေးပွဲများ၊ သင်တန်းများပြုလုပ်ရသည့် ရည်ရွယ်ချက်များ၊ မျှော်မှန်းချက်များနှင့် ပါဝင်တက်ရောက်သူ တစ်ဦးချင်းစီ၏ မျှော်မှန်းချက်များ၏ ထိရောက်အောင်မြင်မှု အတိုင်းအတာကို ပံ့ပိုးကူညီသူ(Facilitator) သာမက ပါဝင်တက်ရောက်သူအားလုံးပါဝင်၍ စစ်ဆေး အကဲဖြတ်နိုင်သည့် အခွင့်အလမ်းများ ရရှိရန်လိုအပ်သည်။
ထိရောက်သော အွန်လိုင်းအလုပ်ရုံဆွေးနွေးပွဲများအတွက် နည်းလမ်းကောင်းများ။
- အုပ်စုအလိုက် Mind Mapping ရေးဆွဲခြင်းများကို လုပ်ဆောင်ခြင်း။
- အွန်လိုင်းသင်တန်းများတွင် Online Ice-breaking အစီအစဉ်များထည့်သွင်းခြင်း။
- Break Room များခွဲ၍ အုပ်စုအလိုက်ဆွေးနွေးစေခြင်း။
- တစ်ဦးချင်းစီ၏ အကြံဉာဏ်များ အတွေးခေါ်များကို ဒီဇိုင်းဆွဲစေပြီး ပြန်လည်ဆွေးနွေးတင်ပြစေခြင်း။
- Design Thinking အစီအစဉ်များထည့်သွင်းခြင်း။
- ပါဝင်သူများ၏ စိတ်ခံစားချက်အခြေအနေများကို စစ်ဆေးသည့် Color Cardsများအသုံးပြုခြင်း။
- အွန်လိုင်းတင်ဆက်မှုတွင် ထင်သာမြင်သာရှိပြီး ဆွဲဆောင်မှုရှိသော Visuals, Pictures, Bar chart, Graphsများအသုံးပြုပြီး တင်ပြဆွေးနွေးခြင်း။
- Online Video-Conferencing toolsများတွင်ပါရှိသော polls, chat, Voting, Reactions စသည်တို့ကို အသုံးပြုခြင်း။
- Quizဖြေသည့် အစီအစဉ်များ ထည့်သွင်းခြင်း။
Reference
https://blog.toasty.ai/ten-creative-ideas-for-virtual-workshops/
Video Link – https://www.youtube.com/watch?v=gcy-pkwLjXE