What Is Social Work? (လူမှုရေးလုပ်ငန်းဆိုတာဘာလဲ)
လူမှုရေးလုပ်ငန်းဆိုတာက လူထုနဲ့ လူ့အသိုင်းအဝိုင်းတွေရဲ့ လူမှုရေးပြောင်းလဲမှု၊ ဖွံ့ဖြိုးတိုးတက်မှု၊ စည်းလုံးညီညွတ်မှုနဲ့ စွမ်းဆောင်နိုင်မှုကို မြှင့်တင်ပေးတဲ့ လက်တွေ့အခြေခံ အသက်မွေးဝမ်းကျောင်း လုပ်ငန်းတစ်ခုဖြစ်ပါတယ်။ လူမှုရေးလုပ်ငန်းအလေ့အကျင့်တွေမှာဆိုရင် လူသားတွေရဲ့ ဖွံ့ဖြိုးတိုးတက်မှု၊ အပြုအမူနဲ့ လူမှုရေးဆိုင်ရာ၊ စီးပွားရေးနဲ့ ယဉ်ကျေးမှုဆိုင်ရာ အဖွဲ့အစည်းတွေနဲ့ အပြန်အလှန်ပူးပေါင်း ဆောင်ရွက်မှုတွေ ပါဝင်ပါတယ်။
3 Levels of Social Work (လူမှုရေးလုပ်ငန်းအဆင့် ၃ ဆင့်)
ယေဘုယျအားဖြင့်၊ လူမှုရေးလုပ်ငန်းအလေ့အကျင့်တွေမှာဆိုရင် micro၊ mezzo နဲ့ macro လူမှုရေးလုပ်ငန်းဆိုပြီး အဆင့်သုံးဆင့်ရှိပါတယ်။ အဆင့်တစ်ခုစီမှာဆိုရင် လူမှုရေးလုပ်ငန်းကျွမ်းကျင်သူတွေက ပစ်မှတ်လူဦးရေအတွက် ပြုလုပ်ပေးတဲ့ ဝန်ဆောင်မှုတွေဟာ အနည်းငယ်ကွဲပြားကြပါတယ်။
(၁) အသေးစားလူမှုရေးလုပ်ငန်း (Micro Social Work)
လူမှုရေးလုပ်ငန်းလုပ်ဆောင်သူတွေဟာ တစ်ဦးချင်းစီကိုဖြစ်စေ၊ မိသားစုအလိုက်ဖြစ်စေ အုပ်စုငယ် အလိုက်ဖြစ်စေ လူမှုရေးပြဿနာများဟု အမည်တပ်ကာ ထိုပြဿနာများကို ဖြေရှင်းပေးသည့် ဝန်ဆောင်မှုများ လုပ်ဆောင်ပေးနေကြပါတယ်။ ဥပမာ- အိမ်ရာပံ့ပိုးမှု၊ မူးယစ်ဆေးဝါးသုံးစွဲမှုနဲ့ပတ်သက်ပြီး အကြံဉာဏ်ပေးခြင်း၊ စိတ်ကျန်းမာရေးကုထုံး။
(၂) အလတ်စားလူမှုရေးလုပ်ငန်း (Mezzo Social Work)
လူမှုရေးလုပ်ငန်းလုပ်ဆောင်သူတွေဟာ ကျောင်း၊ ထောင်၊ ဆေးရုံ ဒါမှမဟုတ် အနီးနားမှာရှိတဲ့ လူအုပ်စုတွေအတွက် အလုပ်လုပ်ပေးပါတယ်။ ဥပမာ- ပညာရေးအတွက် လုံးပမ်းနေရတဲ့ ကျောင်းသားတွေကို ကူညီပေးခြင်း၊ မူးယစ်ဆေးသုံးစွဲမှုကနေ ပြန်လည်ကောင်းမွန်လာတဲ့ အကျဉ်းသားတွေအတွက် ညှိနှိုင်းဖြေရှင်း ပေးခြင်း၊ ဆေးရုံတွေမှာ ရေရှည်စောင့်ရှောက်မှုအတွက် ကုသမှုခံယူနေရတဲ့ လူနာတွေအတွက် ညှိနှိုင်းကူညီ ဆောင်ရွက်ပေးခြင်း။
(၃) အကြီးစားလူမှုရေးလုပ်ငန်း (Macro Social Work)
ဒီလူမှုရေးလုပ်ငန်းမှာဆိုရင် မူဝါဒချမှတ်တာ၊ သုတေသနနဲ့ ရပ်ရွာအခြေပြု ဦးစီးဦးဆောင် လုပ်ဆောင်မှုတွေ ပါဝင်ပါတယ်။ ဥပမာ- အိုးမဲ့အိမ်မဲ့ဖြစ်မှု၊ မူးယစ်ဆေးဝါးသုံးစွဲမှု၊ အိမ်ရာလိုမျိုး ပိုကြီးတဲ့ လူမှုပြဿနာတွေကို ကိုင်တွယ်ဖြေရှင်းပေးခြင်း။
Social Worker Skills (လူမှုရေးလုပ်ငန်းလုပ်ဆောင်သူတွေမှာရှိသင့်တဲ့ ကျွမ်းကျင်မှုစွမ်းရည်များ)
လူမှုရေးလုပ်ငန်းလုပ်ဆောင်သူတစ်ဦးစီတိုင်းဟာ သူတို့ရဲ့ လုပ်ငန်းတွေကို ဆောင်ရွက်ဖို့ ကျွမ်းကျင်မှု အမျိုးမျိုးကို အသုံးပြုကြပါတယ်။ ဒါပေမယ့် အထူးအသုံးဝင်နိုင်တဲ့ အရည်အချင်းအချို့ကို အောက်မှာ ဖော်ပြထားပါတယ်။
- စာနာမှုရှိခြင်း – စာနာမှုရှိခြင်းက ဝန်ဆောင်မှုရယူသူတွေရဲ့ ပြဿနာများကို ပိုမိုနားလည် သဘောပေါက်စေနိုင်ပါတယ်။ ဥပမာ-ခွဲစိတ်ကုသမှုခံယူရမည့် ကိစ္စနှင့် ပတ်သက်ပြီး စိုးရိမ်နေတဲ့ သူကို အားပေးစာနာမှုပြုလုပ်ရာတွင်“ကျွန်တော်လည်း ခွဲစိတ်မှုခံယူရမယ်ဆိုတုန်းက အဲ့လို စိုးရိမ်ခဲ့ဖူးတယ်။ ဒါပေမယ့် အခု ခွဲစိတ်ပေးမယ့် ဆရာဝန်ကြီးက အရမ်းတော်တယ်။ အားတင်းထားပါ။
- စနစ်ကျခြင်း – လူမှုရေးလုပ်ငန်းလုပ်ဆောင်သူတစ်ဦးမှာ နေ့စဉ်တာဝန်တွေ အများကြီးရှိတယ် ဆိုပေမယ့် အရမ်းကို စနစ်ကျဖို့ လိုပါတယ်။ ဥပမာ- လုပ်ငန်းတစ်ခု မစခင်မှာ ကြိုတင်ပြင်ဆင်စရာ ကိစ္စအသေးအဖွဲ့လေးများကိုပါ စာရင်းပြုစုပေးထားခြင်းမျိုးဖြစ်ပါတယ်။
- ဆက်သွယ်ပြောဆိုခြင်း – လူမှုရေးလုပ်ငန်းလုပ်ဆောင်သူတစ်ဦးဟာ ဝန်ဆောင်မှုရယူသူတွေ၊ သူတို့ရဲ့ မိသားစုတွေ နဲ့ စောင့်ရှောက်မှုပေးသူ (care provider)တွေအပြင် လုပ်ဖော်ကိုင်ဖက်တွေနဲ့ ဆက်သွယ်ပြောဆိုတဲ့အခါ ရှင်းလင်းပြတ်သားပြီး ပွင့်လင်းမြင်သာမှု ရှိသင့်ပါတယ်။ ခိုင်မာတဲ့ ဆက်သွယ်ပြောဆိုမှုက နားလည်မှုလွဲတာတွေကို လျော့ပါးစေပြီး အခြားဆက်သွယ်ပြောဆိုမှု အတားအဆီး(barriers)တွေကိုလည်း ကျော်လွှားနိုင်ဖို့ ကူညီပေးနိုင်ပါတယ်။
- ပြဿနာဖြေရှင်းခြင်း – လူမှုရေးလုပ်ငန်းလုပ်ဆောင်သူတစ်ဦးဟာ ခက်ခဲတဲ့ အခြေအနေတွေမှာ အကောင်းဆုံးဖြေရှင်းနည်းကို ရှာဖွေဖို့ မကြာခဏ ကြိုးစားအားထုတ်ရလေ့ရှိပါတယ်။ ကောင်းမွန်တဲ့ ပြဿနာဖြေရှင်းသူတစ်ဦးဟာ ဝန်ဆောင်မှုရယူသူတွေအတွက် သူတို့လိုအပ်တဲ့ အကောင်းဆုံး ဝန်ဆောင်မှုတွေနဲ့ ပံ့ပိုးကူညီမှုတွေ ရရှိဖို့ ကူညီပေးနိုင်ပါတယ်။
- စိတ်ရှည်ခြင်း – လူမှုရေးလုပ်ငန်းလုပ်ဆောင်သူတစ်ဦးဟာ မတူကွဲပြားတဲ့ ဝန်ဆောင်မှုရယူသူတွေနဲ့ အလုပ်လုပ်ရပါလိမ့်မယ်။ လူမျိုးရေးနဲ့ လူမှုစီးပွား နောက်ခံအမျိုးမျိုးကြောင့် ဝန်ဆောင်မှုရယူသူတွေကို စိတ်ရှည်သည်းခံမှုနဲ့ နားလည်မှုပေးနိုင်ဖို့က လူမှုလုပ်ငန်းအလေ့အကျင့်ရဲ့ အဓိကအစိတ်အပိုင်း တစ်ခုဖြစ်ပါတယ်။
What is social engagement?
Social engagement ဆိုတာက အွန်လိုင်းအသိုင်းအဝိုင်းတစ်ခုမှာရှိတဲ့ လူတစ်ဦးချင်းစီရဲ့ ပါဝင်ပတ်သက်မှုနဲ့ ဆက်သွယ်မှုအတိုင်းအတာတစ်ခုဖြစ်ပါတယ်။ Social Engagementရဲ့ ပန်းတိုင်ကတော့ လူတစ်ဦးချင်းနဲ့ အသိုက်အဝန်းအကြား စိတ်ပိုင်းဆိုင်ရာ ချိတ်ဆက်မှုတစ်ခု ဖန်တီးဖို့ဖြစ်ပါတယ်။ ဒီလူမှုသိုင်းအဝိုင်းတွေက အမှတ်တံဆိပ်(Brand) ဒါမှမဟုတ် အဖွဲ့အစည်းတစ်ခုခုက ဦးဆောင်တာ ဒါမှမဟုတ် အဲဒီအရာတွေနဲ့ ဆက်စပ်နေတတ်ပါတယ်။
Social engagement က လူတစ်ဦးချင်းစီနဲ့ အမှတ်တံဆိပ်တွေအတွက် လူမှုစံနှုန်း(social norms) တွေကို အားပေးဖို့ နဲ့ သူတို့ရဲ့ လူမှုအရင်းအနှီး(social capital)ကို တိုးမြှင့်ဖို့ နည်းလမ်းတစ်ခု ဖြစ်ပါတယ်။ Social engagementကို လူ အချင်းချင်းတွေ့ဆုံခြင်း(in-person)မှာလည်း တွေ့ရတတ်ပါတယ်။ ဒါပေမယ့်လည်း ယနေ့ခေတ်ရဲ့ ပုံစံအရ လူအများစုဟာ(modern audiences) သူတို့ရဲ့ အသိုင်းအဝိုင်းတွေနဲ့ ထိတွေ့ဆက်ဆံဖို့အတွက် ဆိုရှယ်မီဒီယာ၊ ဘလော့ဂ်တွေ၊ ဖိုရမ်တွေနဲ့ third-party review sitesတွေလိုမျိုး ဒစ်ဂျစ်တယ်spacesတွေကို မှီခိုအားထားနေကြရပါတယ်။
Types of social engagement (Social Engagement အမျိုးအစားများ)
Social Engagement အမျိုးအစား(၄)မျိုး ရှိပါတယ်။ အဲဒီ (၄)မျိုးကတော့
- Acknowledgement (အသိအမှတ်ပြုခြင်း)
အသိအမှတ်ပြုခြင်းဆိုတာက လူမှုရေးဆိုင်ရာ အကြောင်းအရာတွေကို တစ်ဦးချင်းပြုလုပ်တဲ့ ဘယ်တုံ့ပြန်မှုကိုမဆို ရည်ညွှန်းပါတယ်။ အသုံးပြုသူတွေက မတူညီတဲ့ ဆိုရှယ်မီဒီယာ ပိုစ့်များမှ တုန့်ပြန်မှု (post reactions) တွေကို အသုံးပြုပြီး လူမှုရေးဆိုင်ရာ အကြောင်းအရာတွေကို အပျက်သဘောနဲ့ တုံ့ပြန်နိုင်သလို. အပြုသဘောနဲ့လည်း တုံ့ပြန်နိုင်ပါတယ်။ ဒီSocial Engagementပုံစံမှာဆိုရင် ပရိသတ်ဘက်က အားထုတ်မှုအနည်းငယ်ပဲ လိုပြီး သုံးစွဲသူနဲ့ ကုန်အမှတ်တံဆိပ်ကြား ဆက်စပ်မှုကို ဖော်ပြဖို့ မလိုအပ်ပါဘူး။
- Association (အသင်းအဖွဲ့ပြုလုပ်ခြင်း)
အသုံးပြုသူတစ်ဦးက ဆိုရှယ်မီဒီယာပေါ်မှာရှိတဲ့ သီးခြားအသိုင်းအဝိုင်းတစ်ခုနဲ့ လူသိရှင်ကြား ချိတ်ဆက်သည့်အခါ အသင်းအဖွဲ့ဖြစ်လာပါတယ်။ ယေဘုယျအားဖြင့် အသုံးပြုသူတွေက ဆွေးနွေးမှုတစ်ခုစတင်ဖို့ ဒါမှမဟုတ် ပိုမိုကြီးမားတဲ့ စကားဝိုင်းမှာ ပါဝင်ဖို့ အမှတ်တံဆိပ်(brand)တွေနဲ့ ဆက်စပ်နေလေ့ရှိပါတယ်။ ဒီအရာက ပို့စ်တစ်ခုမှာ မှတ်ချက်ပေးတာ ဒါမှမဟုတ် အခြားအသုံးပြုသူတစ်ဦးကို replyပြန်တာလဲ ဖြစ်နိုင်ပါတယ်။ ဒီ Social Engagementပုံစံမှာဆိုရင် အသုံးပြုသူတွေဆီက ရရှိလိုက်တာကတော့ အသိအမှတ်ပြုတဲ့အဆင့်ထက် ပိုမြင့်တဲ့ ကတိကဝတ်(commitment)အဆင့်လို့ သတ်မှတ်နိုင်ပါတယ်။
- Amplification (ချဲ့ထွင်ခြင်း)
သုံးစွဲသူတွေက အမှတ်တံဆိပ် ဒါမှမဟုတ် အသိုင်းအဝိုင်းတစ်ခုအကြောင်း အချက်အလက်တွေကို မျှဝေတာနဲ့ ဖြန့်ဝေတာမျိုးပြုလုပ်တဲ့အခါ ချဲ့ထွင်ခြင်းကို ဖြစ်ပေါ်စေပါတယ်။ အင်တာနက်အသုံးပြုသူတွေဟာ အပြုသဘော ဒါမှမဟုတ် အပျက်သဘောဆောင်တဲ့ အချို့အကြောင်းပြချက်တွေကို အရေးကြီးတယ်လို့ မြင်ရင် အခြားအသုံးပြုသူတွေနဲ့ အတူမျှဝေတာတွေလုပ်ပြီး လူမှုဆိုင်ရာမီဒီယာပို့စ်တွေက ပျံ့နှံ့သွားနိုင်ပါတယ်။ ဒီ Social Engagement ပုံစံမှာက လူမှုဆက်ဆံရေးရောက်ရှိမှု(social reach)ကို တိုးစေပြီး အကြောင်းအရာကို ပိုမိုကျယ်ပြန့်တဲ့ ပရိသတ်တွေဆီရောက်ဖို့အတွက်လည်း ကူညီပေးပါတယ်။
- Action (လုပ်ဆောင်ခြင်း)
လူတစ်ယောက်က ဆိုရှယ်မီဒီယာပေါ်က အပြန်အလှန်ဆက်သွယ်မှုထက် ကျော်လွန်သွားတဲ့အခါ အရေးတယူဆောင်ရွက်ခြင်း(Action)ကို ဖြစ်ပေါ်လာစေပါတယ်။ social engagementရဲ့ နောက်ဆုံးပန်းတိုင်က အသုံးပြုသူတွေအနေနဲ့ အကြောင်းအရာကို ဒေါင်းလုဒ်လုပ်တာ၊ ထုတ်ကုန်တွေဝယ်ယူတာ ဒါမှမဟုတ် သူတို့ရဲ့ ကိုယ်ရေးကိုယ်တာအချက်အလက်တွေကို မျှဝေပေးခဲ့တာမျိုး တောင်းဆိုချက်(call to action) ကို လုပ်ဆောင်ဖို့ဖြစ်ပါတယ်။ ဒီ Social Engagementပုံစံမှာက သုံးစွဲသူတွေကို တန်ဖိုးမြင့်တဲ့အရာတွေ ရရှိနိုင်မယ့် လူမှုပလက်ဖောင်း(social platforms)တွေဆီကို ရောက်ရှိလာဖို့ တွန်းအားပေးပါတယ်။
Benefits of social engagement (Social Engagement ရဲ့ အကျိုးကျေးဇူးများ)
- Online reach(အွန်လိုင်းရောက်ရှိမှု)
ဥပမာ- ပိုမိုကျယ်ပြန့်တဲ့ ပရိသတ်တွေနဲ့ ချိတ်ဆက်မိခြင်း။ - Social equity(လူမှုရေးသာတူညီမျှမှု)
ဥပမာ- ပလက်ဖောင်းအမျိုးမျိုးမှာ followersတွေ၊ အသိအမှတ်ပြုမှုနဲ့ conversation တွေ ပိုများလာခြင်း။ - Brand loyalty (အမှတ်တံဆိပ်အပေါ်သစ္စာရှိမှု)
ဥပမာ- အမှတ်တံဆိပ်ကို အပြုသဘောဖြင့် ဆွေးနွေးခြင်း။ - Relationship building (ဆက်ဆံရေးတည်ဆောက်မှု)
ဥပမာ- ပြဿနာတွေကို ဖြေရှင်းခြင်း၊ ထုတ်ကုန်တွေနဲ့ ဝန်ဆောင်မှုတွေအကြောင်း သုံးစွဲသူတွေကို ပညာပေးခြင်း တွေ ပြုလုပ်ပြီး ကောင်းမွန်သော ဆက်ဆံရေးတည်ဆောက်ခြင်း။
Social engagement best practices (Social Engagementလုပ်ဖို့ အလေ့ကျင့်ကောင်းများ)
လူမှုဆက်ဆံရေးသည် အွန်လိုင်းအသိုင်းအဝိုင်းအတွင်း ဆက်သွယ်မှုနှင့် အပြန်အလှန်တုံ့ပြန်မှုအပေါ် မူတည်ပါတယ်။ Social Engagementလုပ်ဖို့ အလေ့ကျင့်ကောင်းတွေကတော့
- Encourage conversation(အပြန်အလှန်စကားပြောဆိုမှုကို အားပေးပါ)
- Monitor channels(ချန်နယ်များကို စောင့်ကြည့်ပါ)
- Participate in trends (ခေတ်ရေစီးကြောင်းများတွင် ပါဝင်ပါ)
- Provide value (တန်ဖိုးကို ပြသပါ)
- Be consistent (တသမတ်တည်းဖြစ်ပါစေ)
Relationship Building (ဆက်ဆံရေးတည်ဆောက်ခြင်း)
ဆက်ဆံရေးတည်ဆောက်ခြင်းဆိုတာက တစ်စုံတစ်ဦးက အခြားလူတစ်ဦး ဒါမှမဟုတ် လူအုပ်စုနဲ့ ဆက်ဆံရေးကောင်းမွန်အောင် လုပ်ဆောင်တဲ့အချိန်ကို ပြောတာဖြစ်ပါတယ်။ ဆက်ဆံရေး တည်ဆောက်ရာမှာ အချိန်နဲ့ ကြိုးစားအားထုတ်မှု လိုအပ်ပေမယ့်လည်း ပြန်လည်ရရှိလာမယ့် ဆုလာဒ်(rewards)အများကြီးရှိပါတယ်။ ဆက်ဆံရေးက အသက်မွေးဝမ်းကြောင်းများ တည်ဆောက်ခြင်းနဲ့ ကိုယ်ရေးကိုယ်တာအကျိုးစီးပွားတွေ တိုးတက်စေခြင်းအတွက် အစွမ်းထက်တဲ့ toolsတစ်ခုအနေနဲ့ လုပ်ဆောင်နိုင်တာကို သိတဲ့အတွက်ကြောင့် ဆက်ဆံရေး(relationship)ဟာ အရာအားလုံးထဲမှာ တန်ဖိုးအရှိဆုံးငွေကြေးလည်းဖြစ်ပါတယ်။
လုပ်ငန်းခွင်မှာ ဆက်ဆံရေးတည်ဆောက်ခြင်းဟာ လူအများနဲ့ ဆက်ဆံရေးကို ဖွံ့ဖြိုးတိုးတက်အောင် ထိန်းသိမ်းတဲ့ လုပ်ရပ်ဖြစ်ပါတယ်။ လုပ်ဖော်ကိုင်ဖက်တွေ၊ ဖြစ်နိုင်ချေရှိတဲ့ ဖောက်သည်တွေ စတဲ့သူတွေနဲ့ တစ်ဦးချင်း ဆက်ဆံရေးတွေ ပါဝင်နိုင်ပါတယ်။ နီးနီးကပ်ကပ် လုပ်ဆောင်ဖို့ လိုတဲ့ အခြားကုမ္ပဏီတွေ ဒါမှမဟုတ် အဖွဲ့အစည်းတွေနဲ့ ပူးပေါင်းလုပ်ဆောင်တဲ့ ဆက်ဆံရေး(collaborative relationships) ဖော်ဆောင်ခြင်းလည်း ပါဝင်ပါတယ်။
Common types of Relationship Building (ဆက်ဆံရေးတည်ဆောက်ခြင်းအမျိုးအစားများ)
- Networking (ကွန်ရက်ချိတ်ဆက်ခြင်း)
- Leadership (ဦးဆောင်ဦးရွက်ပြုခြင်း)
- Influencing (လွှမ်းမိုးနိုင်စွမ်းရှိခြင်း)
- Sale (ရောင်းချခြင်း)
- Customer Relationship (ဖောက်သည်နှင့်ဆက်ဆံရေး)
- Partner Relationship (မိတ်ဖက်ဆက်ဆံရေး)
- Public Relation (ပြည်သူ့ဆက်ဆံရေး)
Building Good Work Relationships (လုပ်ငန်းခွင်ဆက်ဆံရေးကောင်းများ တည်ဆောက်ခြင်း)
- Trust (ယုံကြည်မှု)
မိမိက မိမိရဲ့အဖွဲ့သားတွေကို ယုံကြည်တယ်ဆိုရင် အတွေးနဲ့ လုပ်ဆောင်ချက်တွေက ပွင့်လင်းပြီး ရိုးသားမှု ရှိနေမှာဖြစ်ပါတယ်။ ပြီးတော့ နောက်ကြောင်းပြန်ကြည့်ရတဲ့ အချိန် ဒါမှမဟုတ် အားအင်တွေကို ဖြုန်းတီးနေဖို့ မလိုတော့ပါဘူး။
- Respect (လေးစားမှု)
အပြန်အလှန်လေးစားမှုနဲ့ လက်တွဲလုပ်ဆောင်တဲ့ အဖွဲ့တွေက အချင်းချင်းရဲ့ ပါဝင်အားစိုက်မှု(input)ကို တန်ဖိုးထားပြီး စုပေါင်း ထိုးထွင်းသိမြင်မှု၊ ဉာဏ်ပညာနဲ့ တီထွင်ဖန်တီးနိုင်မှုတို့အပေါ် အခြေခံတဲ့ ဖြေရှင်းချက်တွေကို ရှာဖွေဖော်ထုတ်ကြပါတယ်။
- Self-awareness (မိမိကိုယ်ကိုသိခြင်း)
မိမိစကားနဲ့ လုပ်ရပ်တွေအတွက် တာဝန်ယူမှုရှိပြီး ပတ်ဝန်းကျင်က လူတွေကို အဆိုးမြင်စိတ်တွေ မသက်ရောက်စေဖို့ ဖြစ်ပါတယ်။
- Inclusion (ပါဝင်မှု)
မတူညီသောလူတွေရဲ့ ထင်မြင်ယူဆချက်တွေကို လက်ခံရုံပဲ မဟုတ်ဘဲ အကြံဉာဏ် ပေးတာကိုလည်း လက်ခံကြိုဆိုပါ။ ဥပမာ- လုပ်ဖော်ကိုင်ဖက်တွေက မိမိနဲ့ မတူကွဲပြားတဲ့ ထင်မြင်ယူဆချက်တွေကို ကမ်းလှမ်းလာတဲ့အခါ မိမိက ဆုံးဖြတ်ချက်ချတဲ့အချိန်မှာ သူတို့ရဲ့ ထိုးထွင်းသိမြင်မှုနဲ့ ရှုထောင့်ကိုလည်း ထည့်သွင်းစဉ်းစားပေးပါ။
- Open communication (ပွင့်လင်းသော ဆက်သွယ်ပြောဆိုမှု)
ကောင်းမွန်တဲ့ ဆက်ဆံရေးအားလုံးဟာ ပွင့်လင်းရိုးသားတဲ့ ဆက်သွယ်ပြောဆိုမှုပေါ်မှာ မူတည်ပါတယ်။ အီးမေးလ်တွေ ပို့တာပဲဖြစ်ဖြစ် မျက်နှာချင်းဆိုင်တွေ့ဆုံတာပဲဖြစ်ဖြစ်၊ ဗီဒီယိုခေါ်ဆိုမှုတွေမှာပဲဖြစ်ဖြစ်၊ ပတ်ဝန်းကျင်မှာရှိတဲ့ သူတွေနဲ့ ပိုထိရောက်အောင် ဆက်သွယ်နိုင်လေလေ၊ ချိတ်ဆက်နိုင်လေ ပိုကောင်းလေဖြစ်ပါတယ်။
Reference- https://socialworklicensemap.com/become-a-social-worker/what-is-social-work/
https://www.g2.com/glossary/social-engagement
https://simplicable.com/new/relationship-building
https://www.mindtools.com/pages/article/good-relationships.htm
Video Link – https://www.youtube.com/watch?v=6zOD0MT9UtY