လုပ်ငန်းခွင် အတွင်း လူမှုပေါင်းသင်း ဆက်ဆံရေး ပြေပြစ်မှုက အရေးကြီးတဲ့ ကဏ္ဍ တစ်ခုဖြစ်ပါတယ်။ မိမိအနေနဲ့ မိမိ တာဝန်ယူထားတဲ့ နေရာတစ်ခုမှာ လုပ်ငန်းသဘောအရ တွေ့ဆုံရမယ့် လူအများနဲ့ ဆက်သွယ်ပြောဆိုတဲ့အခါ ပါးနပ်မှု၊ သတ္တိရှိမှု၊ ယုံကြည်မှု တည်ဆောက်မှုများကို ကျွမ်းကျင်စွာ တည်ဆောက်ထားဖို့ လိုအပ်ပါတယ်။ မိမိ ရဲ့ အဖွဲ့သားများနဲ့လည်း ကောင်းတဲ့ ဆွေးနွေးညှိနှိုင်းမှုတွေ ယုံကြည်မှုတွေ တည်ဆောက်ထားဖို့ လိုပါတယ်။
သတ္တိရှိခြင်း ( မိမိ ကိုယ်ကိုယ်ကို ယုံကြည်မှုရှိခြင်း)
လုပ်ငန်းခွင်မှာ သတ္တိရှိမှု လို့ခေါ်တဲ့ မိမိ ကိုယ်ကို ယုံကြည်မှုရှိရန် အလွန် အရေးကြီးပါတယ်။ လုပ်ဖော်ကိုင်ဖက် အချင်းချင်း နားလည်မှု လွယ်ပြီး သင့်အား တရားမျှတမှုမရှိပဲ အခွင့်ကောင်းယူတဲ့ အခြေနေတွေမှာ သင့်ကိုယ့်သင် ယုံကြည်မှု ရှိရှိ ရပ်တည်နိုင်ပြီး ကြုံလာတဲ့ ပြသနာ တွေကို ဖြေရှင်းနိုင်တဲ့ သတ္တိတွေ ရှိဖို့ အရေးကြီးပါတယ်။
ဆက်သွယ်ပြောဆိုမှုနဲ့ ညှိနှိုင်းပြောဆိုခြင်း စွမ်းရည်တွေက ဒီလို ပြသနာတွေ ရင်ဆိုင်ရတဲ့အခါမှာ အလွန် အရေးပါပြီး ကိုယ့်ရဲ့ သဘောထားကိုလည်း လူအများက သိမြင်နိုင်ပြီး ဖြေရှင်းချက်တွေကိုလည်း အလွယ်တကူ ရှာဖွေနိုင်မှာ ဖြစ်ပါတယ်။ လုပ်ငန်းခွင် အတွင်း သတ္တိရှိခြင်းက အရေးကြီးပေမယ့် အခြားသူတွေအပေါ် နားလည်မှု နဲ့ ရှု့မြင်နိုင်စွမ်း ရှိဖို့လည်း လိုအပ်ပါတယ်။ သတ္တိရှိခြင်းဆိုတာ ဒေါသကို ရှေ့တန်းတင်ပြီး ရန်မူတာ မဟုတ်ပဲ ရဲရဲဝံ့ဝံ့နဲ့ အကျိုးကြောင်းဆီလျော်စွာ ပြသနာ တစ်ခုကို ဖြေရှင်းခြင်းပဲ ဖြစ်ပါတယ်။
သတ္တိရှိရှိ ဘယ်လိုနေမလဲ။ သတ္တိရှိခြင်းနဲ့ ရန်လိုခြင်း သို့ ကြောက်ရွံ့ခြင်းတို့ရဲ့ ကွာခြားချက်။
- သတ္တိရှိပုံကို ပြသခြင်းက အကြောင်းအရာပေါ် မူတည်ပါတယ်။
- သတ္တိရှိခြင်းက ရိုင်းစိုင်းခြင်း ၊ ဒေါသထွက်ခြင်းကို မဆိုလိုပါ။
- သတ္တိရှိခြင်းက သူတစ်ပါးပြောသမျှကို အမြဲ နားလည် လက်ခံပေးခြင်း မဟုတ်ပါ။
- သတ္တိရှိဖို့အတွက် ယုံကြည်မှု ရှိဖို့ လိုအပ်ပါတယ်။
- သတ္တိရှိခြင်းက တည်တည်ငြိမ်ငြိမ်နဲ့ ပြသနာ တစ်ခုကို ဖြေရှင်းနိုင်ခြင်းဖြစ်ပါတယ်။
- သတ္တိရှိခြင်းက အတူကွဲပြားခြင်းတွေကို နားလည် သဘောပေါက်နိုင်ခြင်း ဖြစ်တယ်။
- သတ္တိရှိစွာ ပြောဆိုခြင်းဆိုတာက တစ်ပါးသူ အပြစ်တင်ခြင်းမျိုးမဟုတ် တစ်ဖက်လူအား အပြစ်ရှိတဲ့ ခံစားချက်မျိုး ရသွားအောင် လုပ်ခြင်းမဟုတ်ပါ။
- သတ္တိရှိခြင်းဆိုတာက ကိုယ်လိုချင်တဲ့ ရလဒ်တွေကို ရှင်းလင်းပြတ်သားစွာ ဖန်တီး လုပ်နိုင်ခြင်းဖြစ်ပါတယ်။
- သတ္တိရှိခြင်းဆိုတာက တစ်ဖက်လူရဲ့ တင်ပြချက် လိုအပ်ချက်တွေကို ဂရုတစိုက် နားလည်ပေးခြင်း ဖြစ်ပါတယ်။
လုပ်ငန်းခွင်အတွင်း ဆက်သွယ်မှု ပုံစံ (၄)မျိုး။
- ခွဲခြမ်းစိတ်ဖြာ ဆက်သွယ်ပြောဆိုတတ်သူ ( ဒေတာ အချက်အလက်နဲ့ ဆက်သွယ်ပြောဆိုသူ)
- လူအများနဲ့ ကောင်းစွာ ဆက်သွယ်ပြောနိုင်သူ။
- စိတ်တွင် အလိုလို သိ၍ ဆက်သွယ်ပြောဆိုနိုင်သူ။
- လက်တွေ့ကျကျ ပြောဆိုဆက်ဆံနိုင်သူ
၁။ ခွဲခြမ်းစိတ်ဖြာ ဆက်သွယ်ပြောဆိုသူ ( THE ANALYTICAL COMMUNICATOR)
- ရှုပ်ထွေးတဲ့ ဒေတာတွေကိုနှစ်သက်ပြီး ကိန်းဂဏန်းတွေနဲ့ မကြာခဏ ရေတွက် ပြောဆိုတတ်ခြင်း။
- ဒေတာအချက်အလက်နဲ့ မရှိပဲ ပြောဆိုတာတွေကိုအပေါ်ယံ သံသယဝင်တတ်ခြင်း။
- ရှင်းလင်းတိကျ ပြတ်သားစွာ ပြောဆိုတတ်ပြီး တိကျမှုမရှိတဲ့ဖြေရှင်းချက်တွေကို ရှောင်ကြဉ်ခြင်း။
- အလုပ်ခွင်မှာ စိတ်ခံစားမှုပေါ် ဦးစားပေးတဲ့သူတွေကြောင့် စိတ်အနှောင့်ယှက်ဖြစ်စေပြီး စည်းစနစ်ကျကျ စိတ်ခံစားချက်ဦးစား မပေးတဲ့သူတွေကို သဘောကျနှစ်သက်ခြင်း။
- စိတ်ပြတ်သားမှုတွေကြောင့် တစ်ခါတစ်ရံမှာ လူတွေက ခံစားချက် ကင်းမဲ့သူလို့ ထင်မြင်ခြင်း။
၂။ လူအများနဲ့ကောင်းစွာ ဆက်သွယ်ပြောနိုင်သူ။ ( PEOPLE PERSON)
- စိတ်ခံစားချက်ကို ဦးစားပေးခြင်း။
- တစ်ခြားသူတွေအတွက် တွေးတောပေးခြင်းသာမကပဲ သူတို့ရဲ့ ခံစားချက်ကိုပါ တန်ဖိုးထားခြင်း။
- နားထောင်ကောင်းသူအပြင် ပြောဆိုဆက်ဆံရ လွယ်ကူသူ တစ်ဦးဖြစ်တယ်။
- ကိုယ်ရေးကိုယ်တာ ဆက်ရေးဆံကိုလည်း ကောင်းစွာ တည်ဆောက် နိုင်သူ။
- ဆက်ဆံရေးကောင်းမွန်တာကြောင့် လူတိုင်းက ပေါင်းသင်းချင်သူ။
- လူတိုင်းရဲ့ ခံစားချင်ကို ပိုမို ထိရောက်စွာ နားလည်နိုင်ခြင်း။
- အားနည်းချက်အနေနဲ့ကတော့ စိတ်ခံစားချက်ကို ဦးစားပေးတတ်တဲ့သူမို့ သင် စိတ်ဆိုးနေလား ဝမ်းနည်းနေလား လူတိုင်းအလွယ် တကူသိနိုင်ခြင်း။
၃။ ရှေ့ရေးကို ကြိုတင် သိမြင်တတ်သူ။ (INTUITIVE COMMUNICATOR)
- ကိစ္စတစ်ခုလုံးကို ခြုံငုံသုံးသပ်ရတာ နှစ်သက်သူဖြစ်ပြီး အသေးစိတ် ကျတဲ့သူများနဲ့ဆက်သွယ်ပြောဆိုတဲ့အခါမှာ စိတ်အနှာင့်ယှက်ဖြစ်ခြင်း။
- ကိစ္စတစ်ခုရဲ့ အရေးကြီးတဲ့အချက်ကိုပဲ ရှာဖွေ တွေးတောရတာ နှစ်သက်ခြင်း။
- ကိစ္စတစ်ခုကို မျဉ်းဖြောင့် ပုံစံမကြည့်ပဲ ကျယ်ကျယ်ပြန့်ပြန့်တွေးခေါ်ခြင်း။
- လေးနက်တဲ့ စိတ်ကူးစိတ်သန်းတွေရှိပြီး သမားရိုးကျ မဟုတ်တဲ့ စိတ်ကူးစိတ်သန်းများ စိန်ခေါ်မှုများကို နှစ်သက်ခြင်း။
- အသေးစိတ်အချက်အလက်တွေကို စိတ်ရှည်စွာ မတွေးတော တတ်တာကြောင့် အရေးကြီးတဲ့ အသေးစိတ်အချက်အလက်များ ကျန်ခဲ့နိုင်ခြင်း။
၄။ လက်တွေ့ကျကျ ဆက်သွယ် ပြောဆိုတတ်သူ။ (FUNCTIONAL COMMUNICATOR)
- အကြောင်းအရာများကို တစ်ဆင့်ပြီးတစ်ဆင့် ဆက်သွယ်ပြောရတာကို နှစ်သက်ပြီး ဘယ်အချက်အလက် ကိုမှ လက်လွတ်မခံခြင်း။
- အသေးစိတ်ကျတဲ့ လုပ်ငန်းစဉ်တွေ ကို အချိန်ဇယားနဲ့တကွ ကောင်းမွန်စွာ စီစဉ်နိုင်ခြင်း။
- လိုရင်းကို တိုက်ရိုက်လုပ်ဆောင် သွားခြင်းကို မနှစ်သက်ခြင်း။
- အသေးစိတ်အချက်အလက် အားလုံးကို သိရှိတာကြောင့် လုပ်ဖော် ကိုင်ဖက်တွေက အားကိုးကြခြင်း။
- အသေးစိတ်ကျလွန်းတာကြောင့် လူတွေရဲ့ အာရုံစူးစိုက်မှု ရခြင်းကို လျော့နည်းခြင်း။
မတူညီတဲ့ ဆက်သွယ်မှုတွေကို အတူအကွ လုပ်ဆောင်ခြင်းကြောင့် ရရှိနိုင်တဲ့ ရလဒ်တွေကတော့ –
- အထက်ဖော်ပြပါ ဆက်သွယ်မှု နည်းလမ်းတစ်ခုစီတိုင်းက မှန်ကန်တဲ့ အလုပ်အတွက် သင့်တော်တဲ့ နေရာမှာ အရေးကြီးတဲ့ အရာများဖြစ်ပြီး ထိရာက်မှုရှိပါတယ်။
- ကွဲပြားမှုတွေက လုပ်ငန်းခွင်မှာ အချို့သော အလုပ်တွေကို ပြီးမြောက်စေတဲ့အပြင် ရှု့ထောင့်မတူညီတဲ့အတွက် လုပ်ငန်းခွင်ကို တိုးတက်စေသည်။
- ကွဲပြားမှုတွေကို နားလည်ခြင်းက ဆက်သွယ်ပြောဆိုမှု နှင့် ညှိနှိုင်းဆောင်ရွက် ချက်တွေကို ပိုမို ကောင်းမွန်စေပါတယ်။ ဥပမာ – သင်က စတိုးဆိုင်တစ်ခုမှာ လုပ်တဲ့ ဝန်ထမ်းတစ်ဦးဖြစ်တယ်။ စတိုးဆိုင်ရဲ့ အပြင်ဆင်ကို ပြောင်းလဲချင်တယ်။ ဒါမယ့် သင့် တင်ဆက်ပြောဆိုရမယ့် သင့်ရဲ့ သူဌေးက ခွဲခြမ်း စိတ်ဖြာမှုဆိုင်ရာ ဆက်သွယ် ပြောဆိုသူဖြစ်တယ်။ ဒီကိစ္စကို တင်ဆက်မယ်ဆိုရင် သင့်အနေနဲ့ ကိန်းဂဏန်း အချက်အလက် တိကျစွာ ပြောဆို တင်ဆက်ဖို့ လိုအပ်ပါတယ်။ ဒါမှသာ သင့် သူဌေးရဲ့ ထောက်ခံမှုကို ရရှိမှာ ဖြစ်ပါတယ်။
လုပ်ငန်းခွင်တွင် ဆက်သွယ် ပြောဆိုမှု ပုံစံအမျိုးမျိုးရှိပါတယ်။
- လူချင်းတွေ့မျက်နှာချင်းဆိုင် ပြောဆိုခြင်း
- အီးမေးလ်နဲ့ ဆက်သွယ် ပြောဆိုခြင်း
- ဖုန်းခေါ်ဆိုမှုများ
- အွန်လိုင်းမီတင်များ
- တင်ဆက်ပြသမှုများ
ညှိနှိုင်းဆောင်ရွက်ခြင်း။
ညှိနှိုင်းဆောင်ရွက်မှုတွေ လုပ်တဲ့အခါမှာ ကိုယ်လိုချင်တဲ့ ပန်းတိုင်တစ်ခု ရဖို့အတွက် ကိုယ့်မှာ ရှိတဲ့ အခြေနဲ့ ကိုယ်လိုအပ်တဲ့အရာတွေကို အရင်ဆုံး နားလည်အောင် လုပ်ဆောင်ရပါမယ်။ Win to Win ချင်းကပ်နည်းကို အသုံးပြုပြီး ညှိနှိုင်း ဆွေးနွေးမှုတွေ လုပ်ဆောင်ပါ။ လူအများစုက သူတို့ လိုအပ်တာ ဒါမှမဟုတ် လိုချင်တာ တစ်ခုခုရှိတဲ့အခါမှာ ပိုမိုကောင်းမွန်တဲ့ ပူးပေါင်ဆောင်မှုတွေကို လုပ်ဆောင် တတ်ကြပါတယ်။
ထိရောက်တဲ့ ဆွေးနွေးညှိနှိုင်းခြင်းရဲ့ အဓိက အချက်တွေကတော့ ( The key components of effective negotiation)
- တက်ကြွစွာ နားထောင်ခြင်း။ ။တစ်ဖက်လူပြောတဲ့ အရာတွေကို ဂရုတစ်စိုက် နားထောင်ဖို့က အလွန်အရေးကြီးပြီး သူတို့ လိုအပ်တဲ့ အရာကို ဖော်ထုတ်နိုင်ဖို့ အတွက် Win to Win သဘောတူညီမှုကို တည်ဆောက်ရန် လိုအပ် ပါတယ်။
- သတ္တိရှိမှု။ ။ကိုယ်လိုချင်တဲ့အရာကို ရဲ့ဝံ့စွာ ဖော်ပြပါ။
- ထိရောက်သော ဆက်သွယ်မှု။ ။သင်လိုချင်တာကို ရှင်းလင်းပြတ်သားစွာ ဖော်ပြသကဲ့သို့ ကိုယ်ပြန်ပေးနိုင်မယ့် အရာကိုလည်း တစ်ဖက်လူကို နားလည်အောင် ရှင်းလင်းပြတ်သားစွာ ဆက်သွယ်ပြောဆိုပါ။
- ဆုံးဖြတ်ချက်ချခြင်း။ ။ညှိနှိုင်းခြင်းအတွက် မတူညီတဲ့ လုပ်ဆောင်ချက်တွေရဲ့ ကုန်ကျစရိတ်နဲ့ အကျိုးရလဒ်ကို ကြိုတင်တွေးတောပြီး ဆုံးဖြတ်ချက် ချပါ။
- အပြုသဘောဆောင်တဲ့ စိတ်ထား ။ ။စေ့စပ်ညှိနှိုင်းမှုတွေ လုပ်ဆောင်တဲ့အခါမှာ လေးစားမှုရှိပါ။ ကိုယ်လိုချင်တာနဲ့ တက်ဖက်လူ လိုအပ်တာကို ကောင်းစွာ သိမြင် နားလည်ပါ။